9 grader nord spelar progressiv, etnisk musikk. Bandet har teke namnet sitt frå breiddegraden til Sri Lanka, der foreldra til bandet sine frontfigurar kjem frå.

 

 

Med insisterande rytmar frå cajontromme og bass og ville bambusfløyteløp tek bandet med publikum på ei reise i ulike sjangrar, som baila, flamenco, jazz og karnatisk musikk.

 

 

Under Ranglerock i 2018 fekk dei publikum til å dansa så hardt at temperaturen i sekkelageret kom opp under kokepunktet. Me går ut frå minst like god stemning denne gong og lufttemperatur som bikkar kokepunktet når dei igjen står på scena under Ranglerock i sommar.