Gratis familiefestival! Rangling for småsporvar arrangerer 8. juli ein ettermiddag med konsertar og aktivitetar for barn og familiar i parken ved Time bibliotek. Me vil laga ein gild dag med musikkglede for barn og vaksne.
Det blir konsertar med bergensk-tamilske 9 grader nord og jærske viserock-legendar i Silo & Saft, i tillegg til show og kurs med Flaks sjongleringsgruppe (sjå program lenger nede på sida).
Det blir òg gilde leikar og aktivitetar i parken og kafeen i biblioteket. Ønsker du å bidra med stort eller smått, aktivitet, støtte eller anna, send ein e-post til ranglerock@ranglerock.no.
