Takk for i år, det vart ei strålande festivalhelg på alle måtar og me gler oss alt til neste års festival. Dato vert 10.-11.juli 2015.
Tusen, tusen takk til publikum, frivillige, artistar, presse, Pøbel, festivalkunstnarar, leverandørar og samarbeidspartnarar, Time Sparebank, Norsk kulturråd, Rogaland fylkeskommune, Time kommune og alle andre gode hjelparar som på ein eller annan måte bidrege til Ranglerock 2014.
Velkomen tilbake neste år!
Foto: Øystein Grutle Haara www.haara.no
Loddefjord ut, Loddefjord inn.
Fjorden Baby! må dessverre avlysa grunna sjukdom, men du skal likevel ikkje sakna skurrande og skarrande loddefjordsrealisme. Inn i programmet kjem sambygdingane Hjerteslag.
Hjerteslag var ein av dei store snakkisane under årets Bylarm, køen utanfor konsertlokalet var så lang at me i Ranglerock kunne gløyma å få sleppa inn i lokalet. Dei gjorde seg så vel bemerka med sin poppunk på Bylarm at dei no har ein travel festivalsommar føre seg. Ført fram av tre elektriske gitarar, fengande melodiar og tekstar på bergensk har dei raskt blitt eit av dei nye rockehåpa i landet.
Hjerteslag ser du på Ranglerock fredag 11.juli kl.22
«Hjerteslag kommer til å ta Norge med storm. Punkrock av beste slag.» Dagbladet
“Med sine blødende punkhjerter pumper Hjerteslag ut skitten drabantby-pop. Hjerteslag blander euforiske melodilinjer med en underliggende følelse av uro – med fengslende resultat.” -NRK P3
Laurdag 12. juli kl. 12:00 inviterer Ranglerock alle barn til konsert med Casiokids i Bryne mølle.
Ta med alle barna du kjenner, unge som gamle, og bli med på denne garantert supertrivelege konserten.
Arrangementet er gratis og åpent for alle!
