Kanaan har gjort kunststykket å bli landets rockesnakkis med instrumental musikk som famnar frå tung stonerrock og psykedelia til fri jazzrock.
Konserten dei gjorde under Ranglerock i 2022 var ikkje mindre enn ein maktdemonstrasjon. Oppvisinga bevega oss noko så kolossalt at me gjer eit lite unntak frå regelen og tingar dei inn igjen alt etter to år. Rett nok med ein vri denne gong: Kanaan vil ha med seg den svorske gitarlegenda Reine Fiske (Dungen, Motorpsycho, Elephant9, Träd, Gräs och Stenar) på scena.
Medlemane i Kanaan er også ein gjeng hyperaktive musikarar med Ask Vatn Strøm (Soft City, Bang Bang! Watergun, Eir ++) på gitar, Ingvald André Vassbø (Motorpsycho, Juno, Full Earth ++) på trommer og Eskild Myrvoll (Daufødt, Mall Girl, Blodkvalt ++) på bass. Bandet har spelt godt over 120 konsertar i Noreg og Europa, og har i skrivande stund gjeve ut sju album.