Med den intuitive meloditeften til ein sjølvlært musikar har låtane til Thea Glenton Raknes festa seg på mang ein hjernebark. Ho debuterte under namnet Thea & The Wild i 2014 til strålande respons og Spellemannsnominasjon i indieklassen. I 2018 kom ho med sin andre fullengdar “Ikaros”, som Rolling Stone Magazine trekte fram som eitt av ti album verdt å lytta til.

 

Hennar tredje album “Deadheading” produserte og spelte ho inn saman med Madrugada-gitarist Cato “Salsa” Thomassen. Albumet blei sleppt på det velrenommerte plateselskapet Fysisk Format tidlegare i haust. Her byr ho igjen på ei samling knallsterke poplåtar. Denne gong inspirert av sitt nye rurale tilvære på Hurumlandet. Tenk varmt, organisk, luftig, gitarbasert og ekstremt nynnbart.

 

Thea har ein nerve og eit nærvær på scena som er få forunnt, og me er sikre på at du kjem til å ha eit knippe nye låtar på hjernen når konserten er over.