Orango 1

Dønn ærleg groovy rock, null tull, tette vokalharmoniar og eit liveband som aldri skuffar.

Nei, Orango driv ikkje banebrytande nyskaping med musikken sin. Stikkorda her er kvalitet, energi og speleglede. Bandet held seg til det klassiske krafttrio-formatet. Gitar, bass og trommer.

Enkle, men sterke låtar slik me kjenner dei frå amerikansk sørstats- og vestkystrock. Møkkete bluesrock, vestkystharmoniar og skamlaus riffing som osar av den deilige, harde rocken frå 70-talet. Rett og slett gildt!

I mange år var det stilt frå Orango, men etter comebacket i 2011 har dei levert fem album og turnert utan stans. I januar i år utgav dei albumet “Mules of Nana” til gode kritikkar frå pressa.